(បទពាក្យប្រាំបី)
ឆន្ទាគតិសេចក្តីលម្អៀង
គ្មានគិតប្រិតប្រៀងព្រោះតែស្រលាញ់
អ្នកទោសរួចខ្លួនអ្នកឈ្នះបែរចាញ់
លម្អៀងស្រលាញ់ឃើញទោសថាល្អ។
ទោសាគតិលម្អៀងព្រោះស្អប់
ពូកែបង្កប់ឃើញទោសបវរ
សច្ចមិនឃើញបែរបន្ទោសត
ប្រជាក្រីក្រចាញ់តែរហូត។
មោហាគតិលម្អៀងព្រោះល្ងង់
ដោយហេតុទើបលង់ឡើងចាងតាមកូដ
ល្ងង់គ្មានហេតុផលក្រចាញ់ចងឆ្គួត
អ្នកឈ្នះស្លូតបូតចាញ់គ្មានហេតុផល។
ភយាគតិលម្អៀងព្រោះខ្លាច
ដូចឃើញបិសាចខ្លាចគ្មានអ្នកយល់
ចិត្តមិនរឹងមាំរសាប់រសល់
ចេះខ្លាចវិលវល់ជាតិបុថុជ្ជន។
No comments:
Post a Comment