ចម្រៀង

ចម្រៀង នឹកប្តីនៅឆ្ងាយ(បទស្រី)

អ្នកតែងលោក គិន ធារ៉ា

ដោយសារតែគ្រួសារក្រីក្រទើបធ្វើឲ្យគ្រួសារមួយនេះត្រូវឃ្លាតឆ្ងាយពីគ្នាដើម្បីចេញទៅរកប្រាក់ចិញ្ចឹមជីវិតក្នុងបន្ទុកគ្រួសារ។

I.សំឡឹងមើលមេឃ.........ទឹកភ្នែកស្រក់ហូរ

អាណិតអាសូរ...............លោកប្តីនៅឆ្ងាយ

ឃ្លាតឆ្ងាយពីផ្ទះ..............មិនខ្លាចអន្តរាយ

មិនដឹងទឹកបាយ.............សុខភាពយ៉ាងណា។

II.កូនស្រីប្រពន្ធ...............នៅឯស្រុកស្រែ

សុខធ្មតាទេ...................ណាប្រុសជីវា

កូនយើងធំហើយ...........បានចូលសាលា

កូនរៀនសិក្សា..............ថ្នាក់ទីបីហើយ។

R.អូននឹកបងណាស់..........ណាម្ចាស់ជីវិត

អូននៅឆ្ងាយពិត............តែចិត្តគិតបងគ្មានស្បើយ

បែកបងប្រាំឆ្នាំ..............ចាំផ្លូវបងអើយ

គ្រប់ឆ្នាំទៅហើយ..,.......ចាំបងវិលវៃ។

III.អូនសែនសប្បាយ.........សែនពេកកន្លង

បានឃើញភក្ត្របង........ដ៏ល្អប្រពៃ

នៅមុខព្រលាន............ប្រសើរពេកក្រៃ

ថ្ងៃនេះជាថ្ងៃ...............កសាងមង្គល។