ស្ទឹងស្ទោងស្រុកខ្មែរ

ចម្រៀង ស្ទឹងស្ទោងស្រុកខ្មែរ

ទំនុកច្រៀង គិន ធារ៉ា

ទំនុកភ្លេងលំនាំបទ ស្ទឹងសែនប៉ារីស

I.រលករលេញ.................ទឹកជន់ពេញស្ទឹង

ភ្នែកបងសម្លឺង...........គន់មើលបុប្ផា

ដុះតាមមាត់ស្ទឹង........រីកស្រស់អស្ចារ្យ

បក្សីបក្សា.................ខ្ញៀវខ្ញារអឺងកង។

II.មច្ឆាឆ្វាត់ឆ្វៀល..........ហែលពេញគង្គា

អមផ្ទៃមេឃា..............ដ៏ស្រស់បំព្រង

ស្ទឹងស្ទោងដួងចិត្ត......ផ្ញើជីវិតផង

​ សូមពៅនួនល្អង.........មេត្តាប្រណី។

R.ស្ទឹងស្ទោងស្រុកខ្មែរ....ល្បីល្បាញខ្ទរខ្ទារ

ដែនកម្ពុជា...............ល្បីពេញលោកីយ៍(លោកិយ)

ប្រជាកសិក...............ខេមរាប្រុសស្រី

ស្ទឹងស្ទោងដែនដី........ខេត្តកំពង់ធំ។

III.បុប្ផាមាត់ស្ទឹង...........តើមានដឹងទេ

ថារៀមលួចស្នេហ៍.......ដួងចិត្តក្រៀមក្រំ

តាំងពីបានជួប.........ភក្ត្រាស្រីម៉ុម

ស្ទឹងស្ទោងមនោរម្យ...ឧត្តមខ្ញុំអើយ។

០៨ មិថុនា ២០១៧