អក្សរសិល្ប៍ជាកញ្ចក់

(បទពាក្យ៧)

១/ អក្សរសិល្ប៍ឆ្លុះពីសង្គម

មានសក្តិភូមិនិងមូលធន

រងគាបសង្កត់ធ្វើទារុណ

ទើបអ្នកនិពន្ធសិល្ប៍វិធី។

២/ ប្រធានវិស័យអ្នកនិពន្ធ

ឃើញខ្មែរទារុណលើប្រថពី

តាក់តែងតថសិល្ប៍វិធី

លើកយកមកពីសង្គមសច្ចៈ។

៣/ អក្សរសិល្ប៍តាមកាលសម័យ

ខ្មែរជនប្រុសស្រីតាមវណ្ណៈ

សិក្សារៀនសូត្រពិតដឹងជាក់

ស្មេរតែងជាអ្នកនិពន្ធល្បី។

៤/ មានសម័យកាលហូរហែរ

វិវត្តន៍កែប្រែចាស់មកថ្មី

ដោយសារសង្គមជនប្រុសស្រី

ជាអ្នកកែច្នៃប្តូរសង្គម។