កំណាព្យ

កំណាព្យ ព្រួយពន្លកខ្ចី
(បទពាក្យ៨ធម្មតា)
១/ សមណនិស្សិតនិស្សិតបរិញ្ញា
ត្រូវចូរចងចាំថាយើងនិស្សិត
សិក្សារៀនត្រិះរិះវិភាគគិត
ទស្សនៈជាគំនិតនិម្មិតកម្ម។

២/ សិក្សាថ្នាក់ឆ្នាំមូលដ្ឋានទី១
ជាគ្រឹះក្នុងការជួយដូចអ្នកដាំ
ពូជវិជ្ជាប្រៀបបានផលដំណាំ
ផ្តល់ឲ្យអ្នកដែលដាំគឺខ្លួនអ្នក។

៣/ កម្រិតបរិញ្ញាត្រូវស្រាវជ្រាវ
ដើររកទិញឬជាវឲ្យបានជាក់
ថាខ្លួនយើងជាក់ច្បាស់ពិតជាអ្នក
ស្រាវជ្រាវពឹងពំនាក់អ្នកយល់ការណ៍។

៤/ មូលដ្ឋានជាថ្នាក់ត្រួយពន្លកខ្ចី
តែងជួបគ្រោះភ័យរឿងបញ្ញា
រៀនចប់បាក់ឌុបចំណេះសិក្សា
ចេញពីថ្នាក់សាលាមានកម្រិត។

៥/ បើអ្នកមានចំណេះល្អប្រសើរ
ស្រាវជ្រាវថែមបណ្តើរជាមួយមិត្ត
និងគ្រូសាស្ត្រាចា្យជាបណ្ឌិត
យោបល់ជាគំនិតគិតពិចារ។
៦/ កម្រិតបរិញ្ញាយល់ដឹងសកល
ឯកសារមានតំកល់តាមសាលា
សាកលវិទ្យាល័យថ្នាក់បរិញ្ញា
មានលក់តាមបណ្ណាគារតាមផ្សារ។

៧/ អ្នករៀនចប់កម្រិតបរិញ្ញា
យល់ដឹងផ្នែកកិច្ចការដោយបញ្ញា
មានការងារធ្វើបានដោយសិក្សា
ចេញពីថ្នាក់សាលាសកលសង្ឃ។

៨/ សាកលវិទ្យាល័យគ្រប់កម្រិត
បើលោកអ្នកចូលចិត្តកុំបោះបង់
សំអាតកាយវាចាឲ្យផ្ចឹតផ្ចង់
ឆ្ពោះចិត្តចាញ់តម្រង់រៀនសិក្សា។

៩/ បើយើងចេះពិតប្រាក់រត់តាមអ្នក
នោះហើយប្រាកដជាក់បានដុល្លា
ប្រាក់រៀលលុយខ្មែរយើងតែងប្រាថ្នា
ប្រាក់រៀលនិងដុល្លារត់រកអ្នក។