វិធីសាស្ត្រតែងកំណាព្យ

កំណាព្យ វិធីសាស្ត្រតែងកំណាព្យ

ការតែងពាក្យកាព្យឲ្យមាន័យ
ឲ្យស៊ុីវិល័យគេនិយម
ឲ្យគេចូលចិត្តមិនបង្ខំ
មនុស្សក្នុងសង្គមចាប់អារម្មណ៍។

វិធីសាស្ត្រតែងបទកំណាព្យ
គោរពជើងកាព្យប្រមូលផ្តុំ
គោរពតាមក្បួនកុំបន្លំ
ជួនផ្ទួនរណ្តំឃ្លាតាមវគ្គ។

ម្យ៉ាងទៀតការតែងជាពាក្យកាព្យ
តែងជាកំណាព្យត្រូវជាប់ទាក់
ទងសិល្ប៍វិធីមានបីជាក់
ច្បាស់ទើបជាអ្នកកវីពិត។

អត្ថន័យមានសីលធម៌
គុណធម៌បវរសច្ចៈធម៌គិត
តាក់តែងយ៉ាងណាជាគំនិត
វត្ថុវិស័យពិតមកតថៈ។

អត្ថរូបជាវិធីតាក់តែង
ឲ្យអ្នកកាព្យត្មែងលើកយកសច្ចៈ
ជាបទរចនាសោភ័ណតថៈ
តាមក្បួនលើកដាក់ជាពាក្យកាព្យ។

អត្ថរសជាតម្លៃអប់រំ
ឲ្យមនុស្សសុខុមក្នុងកំណាព្យ
តម្លៃជាតិសកលពាក្យកាព្យ
តែងជាកំណាព្យន័យអប់រំ។