សំនៀងខ្លុយអង្រួនបេះដូង

ចម្រៀង សំនៀងខ្លុយអង្រួនបេះដូង
អ្នកតែងលោក គិន ធារ៉ា
(លំនាំបទ កំពូលភ្នំស្រួច)
I.អធ្រាត្រយប់ជ្រៅចាំផ្លូវស្វាមី...អើយ
ក្រោមស្បៃរាត្រីមកពីធ្វើការ
យប់នេះហាក់ប្លែកខុសពីធម្មតា
ចិត្តអន្ទះសាចាំមើលផ្លូវប្តី។

II.សូរសំនៀងខ្លុយដែលបងធ្លាប់ផ្លុំ...អើយ
ពេលអូនក្រៀមក្រំបងផ្លុំមុខស្រី
អូនសែនកក់ក្តៅពេលនៅក្បែរប្តី
ឥឡូវស្វាមី ម្តេចបាត់ភក្ត្រា។
R.អនិច្ចាប្តីខ្ញុំ ទុក្ខធំអ្វីម្លេះ...អើយ
មច្ចុរាជមកបេះ ឲ្យសូន្យសង្ខារ
ប្រពន្ធនិងកូន រងទុក្ខឯកា
ឈឺចាប់ខ្លោចផ្សា បាត់បង់ស្វាមី។
III.ឱ!ខ្លុយកម្សត់ ដែលបងធ្លាប់ផ្លុំ...អើយ
បំពេរស្រីមុំ ក្រោមស្បៃរាត្រី
ឥឡូវស្ងាត់សូន្យ បាត់ទាំងកាយប្តី
ឧត្តមស្វាមី កុំចាកចោលអូន។

ធ្វើស្លូតពេកគេតែងមើលងាយ 
ធ្វើចិត្តទន់ជ្រាយគេវាយដុំ
ធ្វើល្អជ្រុលពេកវាមិនសម
ធ្វើខុសលាយលំទើបប្រសើរ។