ចម្រៀង ក្រមុំភូមិចេក

ក្រមុំភូមិចេក

(លំនាំបទ ចំប៉ីសៀមរាប)

I.ខ្ញុំអ្នកស៊ីឈ្នួលជួលច្រូតស្រូវស្រែ                   រៀងរាល់ឆ្នាំខែស្រូវស្រែវស្សា
បងបានស្គាល់អូននៅវាលចម្ការ                    ច្រូតស្រូវវស្សាជាមួយអ្នកភូមិ។
II.បងអោនច្រូតស្រូវឮសូរសំនៀង                  អូនលួចស្រែកច្រៀងចម្រៀងរងំ
ផ្ចង់ចិត្តលួចស្តាប់ចម្រៀងស្រីម៉ុម                   ចម្រៀងអប់រំមានន័យខ្លឹមសារ។ 
R.បេះដូងលង់ស្នេហ៍ក្រមុំភូមិចេក                  ចិត្តសប្បាយពេកបានស្គាល់បុប្ផា
បងសុំពិសីប្រណីមេត្តា                                   អូនព្រមរៀបការរៀបការជាមួយបងទៅ។
III.បងសែនសប្បាយដែលអូនមេត្តា               យល់ព្រមរៀបការព្រះលោកតម្រូវ
បាយខុនចងដៃមង្គលជាផ្លួវ                           ថ្ងៃនេះតទៅយើងនៅរួមគ្នា។