វិស័យឥតផ្សែង (បទបថ្យាវត្ត)

 វិស័យឥតផ្សែង

(បទបថ្យាវត្ត)

១.     សិល្បៈវប្បធម៌រួមមានចម្លាក់                                                     

មានគ្រប់លក្ខណៈឆ្លាក់យ៉ាងចំណាន

         បន្សល់កេរ្តិ៍ទុកកាត់ថ្លៃពុំបាន                                      

    កូនខ្មែរគ្រប់ប្រាណថែថួនបន្ត  ។

២.     សំណង់ប្រាសាទផ្ចិតផ្ចង់បវរ                                         

                      ទាក់ទាញទេសចរណ៍ចូលមកទស្សនា​

         ឆ្លាក់យ៉ាងល្អឯកគ្មានពីរឡើយណា                                  

    យើងជាតិខេមរាពិតមោទនៈ ។

៣.    បង្កើនចំណូលចូលជាតិយ៉ាងជាក់                                  

     ​  ត្រូវអភិរក្សកុំបីចំបែង

         នេះបង្ហាញប្រាប់ទេសចរណ៍ឥតផ្សែង                   ​           

  រាស្រ្តគ្រប់កន្លែងរួមរក្សាកេរ្តិ៍  ។

៤.     មួយទៀតរបាំគង់វង្សស្ថិតស្ថិរ                                       ​   

  វត្ថុបុព្វេបន្សល់ទុកនៅ

         កូនខ្មែរត្រូវប្រឹងរៀនឲ្យឆ្អិនឆ្អៅ                                         

    ទើបបន្សល់ទៅដល់កូនចៅក្រោយ  ។

៥.     ស្តែងរួមចំណែកសង្គមជាតិឱ្យ​                               ​         

    អភិវឌ្ឍដោយត្រចះត្រចង់

          យើងជាកូនខ្មែរត្រូវរួមតម្រង់                              ​            

    ​គង់វង្សផូរផង់មានវឌ្ឍនៈ  ។

           ត្បូងឃ្មុំ  ថ្ងៃទី ២៦  ខែ មេសា  ឆ្នាំ ២០១៨

ស្មេរ:  កញ្ញា អុន ស៊ុំវិជ្ជដា