ចម្រៀង

ប្រពន្ធខ្ញុំយល់សប្តិចម្លែក

ទំនុកច្រៀង គិន ធារ៉ា

លំនាំបទ ចិត្តអូនប្លែកណាស់

I.(ស)បងប្តីសម្លាញ់ យប់មិញ អូនគេងយល់សប្តិ​​  ថាបងដាច់យប់

         បងសន្លប់ នៅក្នុងហាងបា អាវប្រឡាក់ក្រែម ខ្លួនបងវិញ ធុំក្លិនតែស្រា  

        ដល់ផ្ទះឡូឡា ឆ្លើយប្រាប់អូនថា ធ្វើការថែមម៉ោង ថែមម៉ោងរាល់យប់

       ពីក្បាលព្រលប់ នៅតែធ្វើការ។

II.(ប)ហ៊ឺ! ស្មានតែរឿងធំ ប្រពន្ធខ្ញុំ យល់សប្តិអស្ចារ្យ     ឃើញប្តីផឹកស្រា

       មកឡូឡាចោទប្តីទាំងព្រឹក តាមពិតយល់សប្តិ ស្មានការពិត

       ខ្លាចប្តីប្រមឹក ខ្លាចប្តីទៅផឹក ប្រមឹកហើយលួច ទៅមានស្រីថ្មី

​       អូនអ្ហើយកុំភ័យ ធ្វើអ្វីបងដឹង ព្រលឹងកុំខឹងណា។

R.(ស)ចាស៎បង! អូនមិនខឹងទេ វាគ្រាន់ជាការយល់សប្តិ

    (ប)ត្រូវហើយយល់សប្តិ រឿងដាច់យប់ គ្មានទេជីវា

    (ស)ហ៊ឺស! ឱ្យតែដូចមាត់ ពិតប្រាកដ ដូចពាក្យបងថា

    (ប) បងទៅធ្វើការ ថើបមួយសិនណា ប្រពន្ធសម្លាញ់

     (ស) ស្តីទេ! ល្ងាចបងវិលវិញ ដូចសប្តិយប់មិញ ច្បាស់ជារឿងធំហើយ។

(ច្រៀងសារឡើងវិញ)